Chuchvara tayyorlashning bosqichma-bosqich retsepti

xamir uchun “dilbar” bug’doy unini tuz bilan elakdan o’tkazing, tuxumni 200 ml suv bilan yaxshilab aralashtiring. Suyuqlikni unga to’kib silliq xamirni qoring. So’ng uni oziq-ovqat plyonkasiga o’rab muzlatgichga 30 daqiqaga olib qo’ying.

to’ldirma uchun qo’y go’shtini maydalang. Piyozni ham tozalab maydalang. Go’sht, piyoz va ziravorlarni muloyimlil ila aralashtiring. 20 daqiqaga olib qo’ying.

sous uchun piyoz, sabzi va pomidorni mayda kubik qilib to’g’rab oling. Qalin devorli tovada yog’ni qizdirib oling va piyozni qovuring, 5 daqiqadan so’ng sabzi qo’shing, yana 6 daqiqadan so’ng pomidorlarni solib tuz hamda murch seping. Vaqti-vaqti bilan aralashtirib, sabzavotlardan chiqgan sharbat bug’lanib ketguncha pishiring. 1 litr suv quyib qaynatib oling, olovni kamaytirgach qopqoqsiz 20 daqiqa davomida pishiring.

Xamirni 3 qismga bo’ling. Bittasini juda yupqa qilib yoying qolgan ikkitasini nam sochiq bilan yopib qo’ying. Yoyilgan xamirni 4x4 sm kvadratlarga kesib oling, o’rtasiga 1 osh qoshiq to’ldirma soling va uchburchak hosil qilish uchun xamirni diagonal ravishda buking. Nam qo’llar bilan qirralarni yaxshilab yopishtiring. Markaziy burchakni ko’taring, qirralardagi burchaklarini bir-biriga yopishtiring.

Chuchvarani unli laganda qator qilib taxlang. Qolgan xamirdan ham chuchvara tayyorlang.

Chuchvarani tepaga suzib chiqmaguncha sousda portsiyalarga bo’lib pishirib oling. Smetana yoki qaymoq bilan dasturxonga tortishingiz mumkin.